אמת טאקע אז אידישקייט בויעט זיך אויף שכל'דיגע סברות, אמונה איז באזירט אויף מסורה געמישט מיט לאגישע טענות, דאך אבער איז דאס נישט וואס דרייווט אידישקייט אין די לעצטע צייט.
און דאס איז טאקע באקאנט אז היימישע אידן רעדן נישט אפט איבער אט די שכל'דיגע סברות, אויסער אין א נויטפאל.
אידישקייט איז אונזער לעבן און מהות. מיר אטעמען דאס.
אלע אונזערע האפענונגען און שטערבונגען פון די סעקונדע וואס מיר וואקסן אויף ביז ווען מיר פארמאכן די אויגן דאס לעצטע מאל - איז ארום אידישקייט.
ווען מיר בענקען און ליבן אונזערע עלטערן - איז עס ארום זייער אידישקייט.
ווען מיר צוען אויף אונזערע קינדער - איז עס ארום זייער אידישקייט.
ווען מיר האפן אויף א גוטע וועלט - איז עס ארום אידישקייט.
ווען מיר גלייבן אז עס וועט זיין גוט - איז עס מכח אידישקייט.
ווען איך האב אמאל גערעדט מיט א משפיע איבער אמונה שאלות וואס ווערן שטערקער מיט א יעדע פארבייגייענדיגע צענערליג-יאר, האט ער מיר בתוך הדברים געגעבן א פרעג: וואס טראכט דער כופר? פארוואס מוטשענען מיר זיך א גאנץ לעבן? פאר גארנישט???
- המשך יבוא -
אין תגובות:
הוסף רשומת תגובה